Dis oujaarsaand…39/40-jarige wit aktrise/sangeres/digter, Evalina Ellis is op die dak van een van die hoogste geboue in Kaapstad. Sy is gereed om te spring…Totsiens vieslike, cruel wêreld! Onder, in die straat, word daar vreeslik makietie gehou soos almal die nuwe jaar wil verwelkom. Kan inspekteur Diane Hendricks, 41-jarige bruin polisievrou van Lansdowne op die Kaapse Vlakte, wat amper soos ‘n engel op die toneel verskyn, Eva oorreed om die “malligheid” te stop en haar van plan laat verander? Kan Diane haar veilig terug aarde toe “praat”? Het sy die woord-ammunisie om so ‘n groot iets aan te pak? En dit op oujaarsaand? Sy, wat net ‘n normale voorstedige lewe lei met twee komma vyf kinders, met ‘n man in ‘n liefdelose huwelik?